totaia

totaia
 
الرئيسيةمكتبة الصورس .و .جالأعضاءالتسجيلدخول

شاطر | 
 

 هوة يشهد كل اعضاء المنتدي .....بذمتكم انا مدب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حنين

avatar

انثى
عدد الرسائل : 158
العمر : 31
تاريخ التسجيل : 10/06/2008

مُساهمةموضوع: هوة يشهد كل اعضاء المنتدي .....بذمتكم انا مدب   السبت يونيو 28, 2008 8:43 pm

بسم الله الرحمن الرحيم
السلام عليكم ورحمة الله وبركاتة




ندخل على الموضوع ع طول

و احكموا انتوا
*****************


مأساه واحد مع حبيبته وبيحكى عنها

كنت جالس بجوار صديقي على المقهى
امسك الشيشة بيد و اشيح بالاخرى في وجهه
انا مش مَدَبّ.. انا مش عارف هي جابت الكلام ده منين؟
-اهدى بس
كل ما اقولها حاجة.. تقولي انا مَدبّ.. حمارة مبتفهمش في المشاعر
-احكيلي ايه الي حصل

*******
قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء

عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء

اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية

أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل
ودي اللي طالع عليها التخلّف

*******
اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل

لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء

قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

*******
دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها


حلو لحد كده يا عم؟
عاطفة و اشواق وحب على أبوه من الأصلي
هي دي الرومانسية
شوف بقي غباوتها اللي جايه

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة

كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي

انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة.. هههههه
دا احنا مثقفين زي بعض وبلاش كده
ولاّ لازم تحملي مني علشان نتجوز.. هههههه

عجبتني قوي اخر جملة دي.. رحت عدتها تاني
سكتتْ كتير

و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش
*******
في حمورية و غباء كده.. قولي
في حد كده ؟
-صاحبي مبيردش و شكله قطع النفس
مش عارف ماله ده كمان


********************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سكسكة

avatar

انثى
عدد الرسائل : 136
العمر : 29
تاريخ التسجيل : 08/06/2008

مُساهمةموضوع: رد: هوة يشهد كل اعضاء المنتدي .....بذمتكم انا مدب   الإثنين يونيو 30, 2008 12:03 pm

ههههههههههههههههههههههههههه لاة دانت زوق زوق اية دة دي بت غريبة ال غبي ال دي كلمة حلوة دانت ؟؟؟؟؟ بلاش ربنا يكون في عونها بس موضوع جميل مووووووووووووووووووت مشكورة احلي حنونة علي الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
el7oob

avatar

ذكر
عدد الرسائل : 499
العمر : 30
العمل/الترفيه : الحاسب الالى
المزاج : رايق اوى
تاريخ التسجيل : 07/06/2008

مُساهمةموضوع: رد: هوة يشهد كل اعضاء المنتدي .....بذمتكم انا مدب   الإثنين يونيو 30, 2008 12:09 pm

شكرا على الموضوع الجميل ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البطة المرعبة



انثى
عدد الرسائل : 97
العمر : 29
تاريخ التسجيل : 14/09/2008

مُساهمةموضوع: رد: هوة يشهد كل اعضاء المنتدي .....بذمتكم انا مدب   الخميس أكتوبر 16, 2008 6:16 pm


ههههههههههههههههههههههههههههههههههههههههههههههههههههههههههههههههههههههه بنهار ابيض ايه دا هو فى كدا جايبينو منين الواد دا يلهوى دا لو فى كدا فى الدنيا هتخرب اكتر ما خربانه وزعلان انها قالتو انت مدب دا مجملاة جامد اوى المفروض كانت بعتتلو رساله تتف عليه فيها هههههههههههههههههههههههههههههههههههههههه ربنا يكون فى عونو والله
شكرا يا قمر على الموضوع الجامد موت دا بجد
ومستنيه بقيه موضيعك
تقبلى مرورى
مشكوووووووووووووووووووووووووووووووووووووووووووووووووورة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هوة يشهد كل اعضاء المنتدي .....بذمتكم انا مدب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
totaia :: the love :: إفتح قلبك-
انتقل الى: