مشكلة الحب

موضوع: مشكلة الحب الثلاثاء سبتمبر 16, 2008 6:03 pm

بسم الله الرحمن الرحيم "

انا احب شخصا وصرحته بالحب و قال لي بانه لا يحبني وانا لا استطيع نسيانه
ماهو الحل انا اريد حالا وشكرا

موضوع: رد: مشكلة الحب الخميس سبتمبر 18, 2008 3:07 am

هي فعلا مشكلة بس لازم تحاول تنسي الشخص الي انت حبيتة حاول تشغل نفسك بحاجة تبعدك عن تفكيرك بيها عشان تقدر تكمل تاني ويرجعلك قلبك واكيد هيجي وقت وتحب وتتحب بس اصبر وياريت رائي يعجبك

موضوع: رد: مشكلة الحب الخميس أكتوبر 16, 2008 5:21 pm

كتير اوى بنقابل فى حياتنا ناس وشخصيات بنعجب بيها جدا ونتعلق بيها ونبص نلاقى نفسنا بنحبها وبنبنى فى خيالنا احلام كتير اوى وامال بنعلقها عليه ونيجى نصارح الانسان دا بحبنا ليه نتصدم ونلاقيه انه مش بيبادلنا نفس الشعور فجاة الاحلام اللى بنناها بتتهد والامال بتضيع وبنحس ننا مجروحين وتايهين مش عارفين ننسى الحب دا
مشكله بتحصل وحصلت لمعظمنا بيبقي صعب جدا اننا ننسى الحب دا وبناخد وقت طويل اوى علشان ننساة
بص هو صعب طبعا انك تحب حد وتنساة بسهوله
بس دلوقتى داى مساله منتهيه حب من طرف واحد والحب دا نهايته معروفه
يبقي لازم تفكر وتعرف ان الانسان دا مش ليك وان حبك ليه مفيش منه اى فايدة بالعكس تضيع لوقتك وحياتك
انت بتقول انك مش عارفه تنساة ودا بيبقي ليه اسباب كتير منها انك ممكن تكون مش عاوز تنسى الحب دا لانك شايف انه حب كبير اوى ومثالى ومش هتعرف تحب كدا تانى لا دا وهم لان شئ لازم واساسى فى اى علاقه حب انه يكون فى عطاء بين الطرفين وتبادل للمشاعر انما كدا انك تحب حد وهو مش بيبادل نفس الشعور دا حب محكوم عليه بالاعدام يعنى لازم تنساة عليان تقدر تكمل حياتك وتقدر تلاقى الحب اللى بجد والانسان اللى يبادل نفس الشعور
وممكن يكون انت مش عارف تنساة لانك محولتش فعلا وبجد انك تنساة بس اولا النسيان مش بسهوله وكلنا عارفين كدا بس على الاقل متفكرش فى الشخص دا كتير كل ام تفكريك بتحول ليه تفكر فى حاجه تانيه بسرعه وتحاول تشغل نفسك باشياء كتير
وتفكر كمان فى انك لسه قدامك العمر وياما هتقابل وهتحب وتعرف ان قدامك فرصه تحب وتتحب وان الدنيا موقفتش على كدا وبس يبقي بقي تعيش حب من طرفين احسن ولا تخليك عايش فى ذكرى حب من طرف واحد والطرف التانى مش حاسس بيك
بيتهيئلى طبعا انك تعيش وتحب من طرفين افضل بكتير
خلاص يبقي تهيئ نفسك للحب دا
بتمنى ليك التوفيق يارب ويارب اكون راى افادك بشئ
شكرا ليك