"]• حكايات أبو العربي
ابو العربي في حرب أكتوبر راكب فلوكه في القنال وبيحكى ويقول لقيت فوقى واد طيار إسرائيلي أول ما شفنى حدف عليا صاروخ قمت زقيته ..راح حادف واحد تانى وطيت راسى راح جاى في الفلوكه وقعت في المية واتشعلقت في خشبة وقعت اجدف بيدى.. حدف عليا صاروخ تانى قمت غاطس في القنال.. برده لقيته نازل بالطيارة عليا وقرب منى خالص وحدفلى قروصه مارلبورو وقال لي جدع يآله .
أبو العربي بيحكى لأصحابه أنه خاد الفلوكة وراح قبرص وكل ما يجدف قبرص تقرب وبورسعيد تبعد لغاية ما وصل قبرص واشترى اللى عايزه وهو راجع بيجدف بورسعيد بتقرب وقبرص بتقرب فسألوه ..قبرص بتقرب ليه قاله اصلى نسيت ارفع الهلب من قبرص.
ميمى وأبو العربي قاعدين على القهوة وفجأة ميمى قال لأبوالعربى ألحق مراتك ماشيه مع الوله طه الكهربائي قاله يا سيدي ده لا كهربائي ولا يفهم في الكهربا .
أبو العربي قابل الوله أينو وقاله مش تباركلى أناهجوز البت سعاد قاله ياراجل ديه متنفعكش قاله ليه قاله ديه بورسعيد كلها مشيت معاها قاله يا راجل هي يعنى بورسعيد كلها أد أيه.
واحد قال لأبو العربي إلحق يا وله أختك واخدها الوله ميمو في الغابه اللي ورا بيتكم ، رد أبو العربي قال : إيه يا وله نخلتين عملتهم لي غابه .
مرة ابو العربي ركب مركبه فقامت عليه موجه راح مطلع المطوه قال له بلآش انت يا بحر
ابو العربي سمع ان صاحبه الياباني عيان فسافر ?ه.وهو معاه في الإنعاش قله الياباني يوكوهاما قام رادد متخفش بنتك في عيني فقله يوكوهاما قله مقلتلك بنتك في عيني ومات الراجل .وابو العربي قاعد بيعزى فيه قال فين يوكوهاما أبوها موصينى عليها فقله واحد من القاعدين هو قلك يوكوهاما فقله آه قله دى معناها قوم من على أنبوبة الأكسجين
ابو العربي قاعد بيتباهى على القهوة وحسن المراكبي مش راضى يعدى الكلام .
ابو العربي يقول :أنا مره ماشى في الصحراء لقيت بت حلوة واقفة في البلكونة ....
حسن المراكبي يقول : حرام عليك هو في بلكونات في الصحرا.
ابو العربي : بلاش ده , أنا مره ماشى في الصحرا لقيت تلاجة ومليانه أكل
حسن المراكبي : يا ابو العربي والتلاجة حتشتغل ازاى في الصحرا.
ابو العربي : بلاش ده أنا مره ماشى في الصحرا لقيت أسد ضخم كبير جدا...
حسن المراكبي : ها وبعدين
ابو العربي : قام أكلني الشان ترتاح يا حسن
ابو العربي قابل واحد صاحبه متغاظ من أمريكا فقال له شوف أمريكا من غضب ربنا عليها خلاها هناك في آخر الدنيا لكن مصر يادوب ساعتين بالييجو.
ابو العربي كل يوم يطلع من الجمرك بالموتوسيكل وشايل صندوق صغير وراه .. مفتش الجمرك يقوله فيه ايه في الصندوق يقوله مافيش ويديله ساعة يد ويقوله عديني يروح معديه .. ومره المفتش قال له افتح الصندوق يابو العربي قاله مفيش داعي قاله افتح الصندوق ففتح ابو العربي الصندوق لاقاه فاضي قاله ادفع نص عمري يابو العربي واعرف انت بتهرب ايه .. ولو قلت لي الصراحة حاخليك تعدي لوش شايل جمل .. قاله احلف وانا اقولك .. حلف المفتش .. ابو العربي قاله أنا باهرب موتسيكلات.
أبو العربي كان قاعد على القهوة وجالوه المخبر وقال له تعالى كلم ضابط المباحث فراح معه فدخل على الضابط وقال له صباح الفل يا باشا أنا ابو العربي فقال له الضابط انت ابو العربي أخو البت سماس
م الرقاصة اللي ساكنة في
الشارع اللى ورا فقال له ابو العربي لا يا باشا أنا ماعنديش اخوات بنات فقال له الضابط طيب اطلع للمأمور فطلع للمأمور وقال له صباح الفل يا باشا أنا ابو العربي فقال له المأمور انت أخو البت سماسم الرقاصة اللى ساكنة في الشارع اللى ورا فقال له لا يا باشا أنا ماعنديش اخوات بنات فقال له المأمور طيب اطلع لمدير الأمن فدخل ابو العربي لمدير الأمن وقال له صباح الفل يا باشا أنا ابو العربي فقال له مدير الأمن انت أخو الواد سيد اللى كان عاوز يغتال شخصية مهمة هنا الأسبوع اللى فات فقال له ابو العربي لا يا باشا والله العظيم
هههههههههههههههههههههههههههه بس الية مينساس ويرفعة كل مرة لحسن كدة غلطهههههههههههههههههه الحمد للة انة بخير من الصواريبخ ههههههههههههههههه موضوع جامد بجد 
