عـــــــــمــــرك حسيت بكده ؟؟ عادى لو مادخلتش وعادى كمان لو ماردتش مش مشكلة خااااالص

سلام عليكم

اصعب احساس فى الدنيا لما تحس بظلم وقهر
وانت يا عينى وحيد فى الدنيا

محدش عارف حاجة محدش حاسس بيا

_______________________

طبعا دى اغانى لتامر
بس هى الحقيقة مش اغانيه بس
ده احساسى انا

حد فيكوا عرف معنى انو يبقى عايش
بين ناس علاقتهم بيه مجرد مصلحة
وبـــــــــــــس

حد عرف معنى انك تبقى عايش فى بيتك مع اهلك
اللى المفروض انهم اقرب ناس ليك
وهمامش حاسينك
مش قادرين يفهموك

فاهمينك عكس مانت بنسبة مليون درجة كمان

حد حس بانه وحيد جدا ومالوش حد
برغم من انه وسط ناس كتيرة اوى

حد قالك انك بتضحك والدمعة باينة فى عينيك
حد قالك انك بنى آدم مرح اوى
بس جواك مجروح وتعبان اكتر

عمرك فى مرة اشتاقت للحنان للدفا
نفسك تجربه تحسه بس

نفسك تقول انا مطمن انا اسعد بنى آدم فى الدنيا
؟؟؟

عمرك حسيت ان نفسك يبقى فى بنى آدم واحد يهمه امرك
عايز مصلحتك مش مصلحته هو

حسيت ان محدش عايزك
حتى الدنيا نفسها رافضاك
انك مالكش لازمة
انك بنى آدم ضعيف اوى
لابعد حد

عمرك بكيت على حاجة
واصلا مفيش حاجة

عمرك حسيت انك بتحب وبتتالم
من الحب وعذابه
وانت اصلا لا عمرك حبيت
ولا دقت طعم الحب
؟؟؟؟؟؟

عمرك حسيت انك مجروح اوووى
من حبيبك
وبكيت بالساعات
وانت اصلا ماحبيتش عشان تتجرح

عمرك دمعت زيى دلوقتى
عمرك حسيت بيا
عمرك فكرت فى جرحى
؟؟؟؟؟؟؟؟

طبعا

لأ لأ لأ

أنا هو البنى آدم ده
اللى اتكلمت عنه

حد فيكم عمره حس بكل ده
مرة واحــــدة

احساس صعب اوووووى
اووووووى

عمرك حسيت انك تقدر ترد عليا
عالتوبك ده
وتقولى انا اعمل ايه
لازمتى ايه فى الدنيا
مين بيحبنى مين عايزنى

انا متاكدة ان التوبك ده
مالوش لازمة عندكم
بس عندى كفاية انى طلعت اللى جوايا

سورى اذا ضيعت وقتكم
و عــــــــــــادى
لو التوبك اتحذف
لانه مالوش لازمة
مالوش اهمية وفايدة

وعــــــــــــادى
لو خرجت من غير ماترد
من غير ماتعبرنى
ولا تدينى وش حلو

عـــــــــــادى جدا

أنا خلاص متعودة على كده

اللجوء الى الله عز وجل افضل وهو حاسس بيكى وهو بس اللى عاوز مصلحتك فى الحياة ربنا بيدينا ومش عاوز مننا حاجة لان انتى اتخلقتى عشان تعبديه وهتعيشى فى كرمه طول ماهو راضى عنك وسيدنا محمد ترك اعز ارض ليه بسبب الناس اللى حواليه سيدنا نوح ابنه مش صدقه يعنى مش مقياس ان المفروض الناس اللى حوالينا يحسوا بينا بس هتلاقى فى الحياة اللى هيحس بيكى لو فضلتى ترضى ربنا ممكن يكون جوزك وممكن يكرهك يجى ابنك ولا بنتك تحبك وتعوضك على اللى فات وتحس بيكى هتنسيكى اللى فات كله وتمسحه من زكرياتك كمان ممكن يبقى احفادك ممكن يبقى اولاد اخواتك ربنا عمره مانسى حد ربنا اسمه الخالق المدبر خلق الدنيا وعارف كل نفس وما يوسس ليها مش هى بتفكر فى ايه لا حتى التفكير ولو حسيتى من جواكى ان فى ربنا معاكى وانتى بتحاولى تخليه يرضى عنك اكيد هتلاقى السبب اللى يخليكى تغيرى نظرتك للحياة وللناس ياريت كل واحد عنده نفس المشكلة يجا لربنا ومش لاى شخص هو اقرب اليه من حبل الوريد ربنا اقرب ليك واقرب من نفسك لنفسك هو بس يقدر يقف جنبك ويحل مشكلتك وهو برده اللى المفروض تؤمن بيه ومش تؤمن بانك تلاقى انسان يريحك فى الكلام ويسمعك جايز يكون بيخدعك لاكن ربنا عطوف حنون كريم يعطى ولا ينتظر منك رد الموقف

عـــــــــمــــرك حسيت بكده ؟؟ عادى لو مادخلتش وعادى كمان لو ماردتش مش مشكلة خااااالص 841041757

افضل موضوع كتبتى بجد هو ده الكلام الصح واللى ماشى فى الدنيا اى واحد لو حب يعرف واحد جديد هيكون علشان فى مصلحه بينهم بس

مشكور ة علي ردودكم جدا وعلي اهتمامكم

فعلا حنين كلامك كتير صحيح ومشكورة اخت صحبة المنتدي علي الموضوع وتقبلي مروري

شكرا ليكى على الموضوع الجامد دا
كتير اوى بيجى علينا وقت ونحس اننا ملناش لازمه فى الدنيا ولا حد عاوزنا
وكتير بردو بنحس بلحظات ضعف بنبقي مجروحين اوى فيها وتيهنين جدا
مش انتى لواحدك اللى حستى الاحساس دا كتير جدا مننا بيحسوة
بصى الدنيا مبقتش زى زمان كانو الناس طيبين جدا مش زى دلوقتى الكل بقي بيدور على مصلحتو وبس قليل اوى لما تلاقى حد بيحبك لنفسك من غير مقابل ولا عاوز حاجه منك
بس فى حجات بتحصل للانسان وبتجرحو اوى بس الانسان الشطاطر اللى يتعلم من اخطاو ويخلى الجرح بدل ما يكسرو يقويه وبتعلم منه
متبقيش طيبه اوى كدا وهبله لازم تعرفى تفرقى بين الناس وتتعملى تعملى الناس ازاى كل واحد ونوعه
الناس كلها مش زى بعض فى الكويس وفى الوحش
بس اللى انتى فيه دا هيدمرك لازم تعيدى تفكيرك من جديد وتعملى بنفسك حساب نفسك ايه يعنى لو محدش بيعمل حساب ليكى او مش بيحبك اعملى انتى لنفسك كيان ووجود
دورى جواكى هتلاقى حجات كتير موجودة لو استغلتيها صح هيطلع منك حجات كتر وهتلاقى نفسك فيها
وخرجى نفسك من الحزن اللى انتى فيه
وفى حاجه مهمه اوى لازم تتعلميها
هى انك لازم تتعلمى تبقي قويه مهما كانت الظروف اللى حواليكى لازم تبقي اقوى منها
بتمنالك التوفيق فى حياتك يارب
مشكورة على الموضوع ويارب اكون مطولتش عليكى
شكرا ليكى

اول مره اقرا موضوع للاخر وحس اللى عاوز ابكى من الكلام اللى مكتوب فى كلام كتير حزن ويحزن القلب Sad

يااااااااااااااااااااااااااااااااااااااااه
بجد مش عارف اقولك ايه
الموضوع ده تحفة
فعلا اصعب حاجة ان الانسان يحس ان فى حد بيصاحبه للمصلحة بس
احساس غريب اوى
وقوى اوى
ومش ممكن يتحمله اى انسان بيحس بجد
بجد تسلم ايدك
وربنا معاكى يا قمر وتلاقى اصدقاء كويسين
بس انتى برده لازم تختارى صح
وياريت تتقبلى مرورى