كفـــــــاية كدة

ـ(عايش بلا قلب ولسان
وعقلي بعته من زمان
والحق طالع صوت جبان
وشعري مكسور الميزان

وخالي من كل الحكم

المعنى تايه في الكلام
(باكتب قوافي والسلام
ده رأي شعرائنا العظام
بطل كتابة باحترام

بطلت وكسرت القلم

الشعر عقد وليه نصوص
أول شروطه تكون عبوس
وقطع القافيه بموس
وإوزن بميزان الفلوس

ودوس غريمك بالجزم

وإياك ياصاحبي تمد إيد
لأي شاعر بان جديد
وانقد بنقد من حديد
هتكون على الساحة الوحيد

وهتبقى شاعر محترم

كان حلمي ابقى في يوم نضيف
شاعر بفكر ونور وسيف
أعيش أحارب للضعيف
وف دنيا غدر أكون شريف

أحلامي موتها الألم

ياللي في يوم قريت لي بيت
ندمان عليه....أديني جيت
أسف كتير وبأقول ياريت
تنسى كأنك ماقريت

أشعاري يمحيها الندم

مشكور كتير علي الكلام الحلو الرائع دة ويارب دايما رغم ان محدش بقي بيشوفك

شكرا على الموضوع الجميل دا بتمنالك التوفيق فى موضعاتك دايما
تقبل مرورى
مشكوووووووووووووووووووووووووووووووووووور

انا رجعت تانى ليكو بس انتم اللى مش بتردو على المواضيع الجديده